ఎపిసోడ్ :9 " ఆత్మిక దృష్టితో సూక్ష్మ – స్థూల వైద్య రహస్యము "

ఎపిసోడ్ :9

" ఆత్మిక దృష్టితో సూక్ష్మ – స్థూల వైద్య రహస్యము "

ముందు సంచికలో స్వ పురుషార్ధం గురించి తెలుకున్నాము . ఇక్కడ ఇంకొక విషయాన్నీ వివరిస్తున్నాను స్వ పురుషార్ధం అంటే ఆత్మిక స్థితిని పెంచుకోవటం. ఎప్పుడు అయితే మన ఆత్మిక స్థితిని పెంచుకుంటామో మనకు తెలియకుండానే మన సామజిక జీవనములో కూడా మార్పును పొందుతాము . ఆ మార్పు మనలను పది మందిలో ఆదర్శనీయముగా మారుస్తుంది . మన ఆత్మ పొందిన పరమాత్మ ప్రకాశాన్ని నేను నా నుంచి వాయుమండలమునకు మరియు విశ్వంలోని ప్రతి ఆత్మకు ఆ దివ్యమైన ప్రకాశాన్ని ప్రసరింప చేయగలను . సత్యం నిప్పుతో సమానము . దానిని ఎంత దాచిపెట్టడానికి ప్రయత్నము చేసినా అది దాగదు.

ముందు సత్యం ఓడిపోయినట్టు వున్న చివరికి గెలిచేది ధర్మమే ! ఈ విషయం మనం అందరము మర్చిపోవద్దు . ఎవరో ఎదో చెప్పుతున్నారు అని అందరిని నమ్మటం ఎంత వరుకు ఒప్పు అనేది కుడా మనకు మనమే ఆలోచించుకోవాలి . మన బుద్ధి ఫై మన ఆలోచనను కేంద్రికృతం చేయాలి . మన బుద్ధిని శ్రేష్ట సంస్కారము అనే ఖజానాతో  నింపుకుని మన మనస్సును పరమాత్మ ఫై కేంద్రికృతం చేయాలి . అప్పుడు ఏది సత్యమో ఏది అసత్యమో మనకు తెలుస్తుంది . ఏది ధర్మం , ఏది అధర్మం అనేది మనకు అర్ధం అవుతుంది . అంటే ఇక్కడ నేను తెలియ చేస్తున్నది ఒక్కటే మన ఆత్మలో వున్న శక్తిని ఆధారముగా చేసుకుని సత్యాన్ని గ్రహించి  లేక సత్యాన్ని గ్రహించ లేక పోవటం వలన తాను తీసుకున్న నిర్ణయమును తన సంస్కారం ద్వారా తెలియ చేస్తాడు . కొన్ని సార్లు మనము ఎందుకు ఈ విధంగా నిర్ణయం తీసుకున్నామో కూడా మనకు తెలియదు . అనేక సార్లు మనకు తెలియ కూడా మనము తప్పుగా నిర్ణయం తీసుకుంటాము .నేను అలా అసత్యముగా ఎందుకు మాట్లాడాను అని అనుకుంటాము . ఆ విధముగా ఎందుకు చేస్తాము అని తెలుసుకోవటానికి మనము ఇంకొంచం లోతుగా వెళ్ళాలి . దాని గురించి మీకు ముందు ముందు తెలియ చేస్తాను .

          నేను ఎవరు అన్న దానికి సమాధానము నాకు దొరికింది కానీ నాకు ఎప్పుడు ఒక ప్రశ్న వస్తుంది . అసలు జన్మల రహస్యం ఏమిటి అని నేను ఎప్పుడు ఆలోచించేదానిని ? మరి మీరు ? నేను ఎక్కడనుంచి వచ్చాను అని కూడా ఆలోచించేదానిని. మనము ఇప్పుడు చూద్దాము ! జాగ్రత్తగా గ్రహించండి .

" నేను ఒక అనాథను అంటూ జీవి పుట్టుక ద్వారా శరీరంలోకి ప్రవేశిస్తాడు . బంధనాలు అనే పద్మవ్యూహా౦లో చిక్కుకుపోతాడు , చివరికి నేను అందరూ వున్న అనాథను అంటూ జీవి మరణముతో శరీరాన్ని వదిలేస్తాడు."  (అసలు ఆత్మ శరీరాన్ని ఎప్పుడు , ఎందుకు వదిలేస్తుంది ? మరణానంతరము ఎక్కడికి వెళ్ళుతుంది .? ఆత్మ జీవిగా మారి  ఏ విధముగా శరీరములోనికి ఎలా ప్రవేశిస్తాడు అని తన గురించి తానూ ఆలోచించరు .)  

          ధైర్యముగా సృష్టి రహస్యం అయిన జనన - మరణ కాల చక్రం గురించి తెలుసుకుందాము . మన అందరికి తెలిసిన విషయము మరియు సత్యము అది ఏమిటి అంటే " పుట్టిన వాడు మరణించక తప్పదు " " మరణించిన వాడు పుట్టక తప్పదు " . ఆత్మ అనగానే జనన - మరణ చక్రములోనికి రావలసిందే . జననము - మరణము ఈ విశ్వములో లేని వాడు ఒక్క పరమాత్మ మాత్రమే . అంటే దాని అర్ధం పరమాత్మ జనన - మరణ చక్రములోనికి రాడు అని . అందుకనే పరమాత్మను సృష్టి కర్త అని అంటారు .విశ్వాన్ని సృష్టించిన పరమాత్మకు జననము – మరణము రెండు లేవు . పరమాత్మయే విశ్వానికి అధిపతి . నామ , రూపములు లేని వాడు . కేవలము ప్రకాశమును వేదజిల్లె ఆయనే పరమాత్మ . ఆ పరమాత్మ యొక్క ప్రకాశాన్ని నేను అనుభూతి చెందుతున్నాను . మరి మీరు ? పరమాత్మ ప్రకాశ కిరణాలతో నా ఆత్మ పావనముగా మారి పోతుంది .

నేను ఆత్మను బిందు స్వరూపాన్ని అన్న నా అనాది స్వరూపాన్ని నాకు గుర్తుకు చేస్తోంది ." నేను అనాది స్వరూప ఆత్మను "  నేను ఇప్పుడు నాకు తెలియకుండానే బిందు స్వరూపములోకి నా ఆత్మిక స్థితిని తీసుకువెళ్లాను .   నేను ఎప్పుడు అయితే బిందు స్వరూపాన్ని అనుభూతి చెందుతున్నానో నాలో తెలియని నిశబ్దం జాగృత మవుతుంది . నాకు ఏ ధ్వని తెలియటం లేదు . కేవలము శాంతి అనుభూతి . శాంతి , శాంతి , శాంతి అనుభూతి మాత్రమే వుంది . ఇక్కడ నేను ఏ బంధనలోను లేను . నేను శాంతి స్వరూప ఆత్మను అన్న స్వమనములో నా ఆత్మ సెట్ అయి వుంది .    పరమాత్మ నా ఆత్మ ఫై శాంతి కిరణాలను ప్రసరింప చేస్తున్నారు . నేను అనుభూతి చెందుతునాను . ఆ శాంతి కిరణాలూ నాలో నిశబ్దంను పెంచుతున్నాయి . నిశబ్ధం అనుభూతి ని పొందుతున్నాను . నేను – తండ్రి అయిన పరమాత్మ మాత్రమే వున్నాము . తెలియని ప్రశాంత వాతావరణంలో విహరిస్తున్నాను . 

          మిగిలిన విషయాలు మనము వచ్చే సంచికలో చూద్దాం ! ఒక ధారణ పాయింట్ ని మీకు అందజేస్తున్నాను .నచ్చిన వారు ప్రయత్నం చేయవచ్చు లేక పోతే వదిలి వేయండి ? 

ప్రశ్న : ఏ శక్తిలతో ఆత్మ మరియు శరీరము రెండు  కాంచనముగా అవుతూ వున్నాయి ?

సమాధానము : 1 . జ్ఞానము

                    2. ప్రేమ

                    3. పవిత్రత 

ఈ మూడు శక్తులతో ఆత్మ మరియు శరీరము రెండు కంచనముగా అవుతూ వున్నాయి .

జ్ఞానము అంటే స్వయముగా మన అలౌకిక తండ్రి అయిన పరమాత్మ ఇస్తున్న జ్ఞాన వెలుగును నా ఆత్మలో వెలిగించుకోవటం . పరమాత్మ యొక్క ప్రకాశంతో నా ఆత్మలో నిండుతున్న ప్రేమను , పవిత్రతను నా ఆత్మలో నింపుకుంటూ, విశ్వానికి అంతటికి నా ఆత్మ నుంచి ప్రేమ , పవిత్రత ప్రకంపనాలను ప్రసరింప చేస్తున్నాను.

పవిత్రత , ప్రేమ  అనేది అత్మిక దృషిని కలిగి వుండాలి . అప్పుడే దాని ప్రభావము మన శరీర అవయవాల ఫై న పడుతుంది . మనము సంపూర్ణ ఆరోగ్యమును పొందుతాము .   

మీకు నేను ఆలోచింప చేసే దానిలో ఏమి అయిన ప్రశ్నలు అడగాలి అనుకుంటే ts 9 ఛానల్ హెల్త్ రిపోర్టర్

వాళ్ళకి ఉత్తరాలు పంపండి . దానిలో ముఖ్యమైన వాటికీ , అందరికి ఉపయోగ పడే విధంగా కొంత మందికి సహయోగం నా సమాధానంతో ఇవ్వగలను .  నేను ఒక ఆక్యూపుంచరిస్ట్ గానే కాదు ,ఒక తత్వవేత్తగా  నా చిన్నతనము నుంచి నా గురించి నేను చేసిన ఆత్మపరిశోధనలో నాకు తెలిసిన మరియు గ్రహించిన విషయాలను మీకు అందిస్తున్నాను . ఒక సంఘ సేవకురాలిగా కూడా నా అనుభవాలను మీతో పంచుకుంటున్నాను . దీనిలో మీకు ఉపయోగ పడేవి ఉంటే వాటిని మాత్రమే గ్రహించండి . మిగిలినవి వదిలివేయండి . ఎవరికీ వారే వారి ఆత్మ శాంతి కోసము వైద్యం చేసుకోవాలి .ఎవరి జీవితం వారిది . ఎవరి నిర్ణయం వారిది . 

మీ శ్రేయోభిలాషి-------- > అస్త్ర  అగ్ని జ్వాలా    

ts 9 ఛానల్ హెల్త్ రిపోర్టర్