ఎపిసోడ్ : 4 " ఆత్మిక దృష్టితో సూక్ష్మ – స్థూల వైద్య రహస్యము "

ఎపిసోడ్ : 4

" ఆత్మిక దృష్టితో సూక్ష్మ – స్థూల వైద్య రహస్యము "

మనము అందరము వివరముగా తెలుసుకున్నాము మన ఆత్మ నివాస స్థలము శరీరములో బృహిటి  మధ్య స్థానము అని , మన శరీరాన్ని నడిపించే ఛైతన్య శక్తియే ఆత్మ . ప్రాణము పోయింది అంటే ఆత్మ శరీరాన్ని వదిలివేసింది అని అర్ధం . మనము వాడుక భాషలో ఆత్మ శరీరాన్ని వదిలి వెళ్ళిపోయింది అని చెప్పటానికి బదులుగా ప్రాణము పోయింది అని చెపుతాము . ఇక్కడ ఏ కులము , మతము , వర్గము అడ్దు రాదు . ఎవరు అయితే మనిషి జన్మ తీసుకుంటారో వాళ్ళ అందరిని నడిపించేది ఆత్మనే . అందుకునే ఇక్కడ నేను ముస్లింని , క్రిస్టియన్ ని , హిందుని అని చెప్పటానికి తావు లేదు . ఆత్మికత దృష్టిని ఏర్పాటు చేసుకోవడము  అనేది  ఈ భూమి ఫై జన్మ తీసుకన్న ప్రతి మానవుని యొక్క  హక్కు అని తెలుకోండి. ఆత్మకు శక్తిని ఇవ్వగలిగే వ్యక్తి ఒక్క పరమాత్మనే అన్న విషయం కూడా తెలుసుకోవాలి . పరమాత్మ అంటే నిరాకారుడు రూపం లేని వాడు . పరమాత్మ అన్ని మతాల వారికి ఒక్కరే . అలాగే వైద్యం కుడా అందరికి ఒక్కటే . మతాన్ని , కులాన్ని , వర్గాన్ని బట్టి  వైద్యం మారిపోదు . అది అందరికి ఒక్కటే . సూక్ష్మoగా కాని , స్థులముగా కాని అందరికి ఒక్కటే . అందుకునే మనము అందరము అత్మీక దృషి ని తెచ్చుకోవాలి అని అర్ధం చేసుకోవాలి . ఆత్మ అంటే బిందు స్వరూపo అని అది అవినాశి అని కూడా తెలుసుకున్నాము . అవినాశి అంటే ఏమిటి ? వినాశనము లేనిది లేక మరణము లేనిది అని అర్ధం . మరణము అనేది మన శరీరానికి వుంది కాని ఆత్మకు కాదు. మరణముతో ఆత్మ మనం బట్టలను ఎలా మారుస్తామో అలా శరీరాన్ని వదిలివేస్తుంది . జననంతో ఆత్మ కొత్త బట్టలను వేసుకుంటుంది . అంటే శరీరాన్ని కొత్తగా తీసుకుంటుంది .ఇక్కడ మనము పూర్తిగా అర్ధం చేసుకున్నాము ఆత్మకి మరణము లేదు శరీరానికి మాత్రమే మరణం వుంది అని . మరి ఇక్కడ ఒక ప్రశ్న వేసుకోవాలి ? నేను ఇప్పుడు నా కోసము ఏమి చేసుకున్నాను అన్న ప్రశ్న వస్తే ? నా కోసము అంటే ఆత్మ కోసమా లేక శరీరము కోసమా ? శరీరము దేనితో నిర్మాణము చేయబడింది ? శరీరము అనేది పంచాతత్వాలు అనే లక్షణాలను కలిగిన అవయవాలతో ఏర్పాటు చేయబడింది . పంచాతత్వాలు 5 రకాలు అవి ఏమిటి అంటే భూమి , ఆకాశము , నీరు , వాయువు , అగ్ని అని . ఇక్కడ మీకు ప్రశ్న రావచ్చు ఏమిటి పంచ తత్వాల లక్షణాలను కలిగి మన శరీరములోని అవయవాల ఏర్పాటు అవుతాయా అని . అవును ఇది నిజము. అది ఎలాగో ఇప్పుడు చూద్దాము. భూమి తత్వాన్ని కలిగి మన శరీరములో ఏ అవయవాలు పని చేస్తాయో చూద్దాము . పిత్తశయము , పొట్ట భాగాలు భూమి తత్వాన్ని కలిగి పని చేస్తూ వుంటాయి . ఊపిరితిత్తులు , పెద్ద ప్రేగులు వాయు తత్వాన్ని కలిగి పని చేస్తూ వుంటాయి . కిడ్నీ , యురినరి బ్లాడర్, ఎముకలు మరియు ఎండోక్రైన్ సిస్టం నీటి తత్వాన్ని కలిగి పని చేస్తూ వుంటాయి . లివర్ , గాల్  బ్లాడర్ ఆకాశ తత్వాన్ని కలిగి పని చేస్తూ వుంటాయి. హార్ట్, పెరికార్డియం  మరియు చిన్న ప్రేగులు అగ్ని తత్వాన్ని కలిగి పని చేస్తూ వుంటాయి . మన శరీరము పంచ తత్వాల లక్షణాలతో ఎలా ఏర్పడిందో , అలాగే ప్రతి మనిషి ఆత్మలో  పంచ వికారాలు చోటు చేసుకున్నాయి . పంచ వికారాలు అంటే కామము , క్రోధము , లోభము , మోహము మరియు అహంకారము . వీటినే “ మాయ “ అని కూడా అంటాము వాడుక భాషలో .  ఎప్పుడు అయితే పంచ వికారాలు మన ఆత్మలో చేటు చేసుకుని వున్నాయో అప్పటి నుంచి మన ఆత్మలో పరమాత్మ నింపిన శక్తి తగ్గిపోతూ వుంది . దాని వలన మనకు తెలియకుండానే మన శరీర అవయవాల ఫై న ప్రభావం పడుతుంది . ఇక్కడ ఒక విషయం చెప్పుతున్నాను . నా తల్లిదండ్రులు నా చిన్నప్పటి నుండి ఒక్క విషయము జీవితములో గుర్తు పెట్టుకోమని చెప్పారు . అది ఏమిటి అంటే నువ్వు ఎంత వృద్ధి లోకి వచ్చినా కాని , లేక ఎవరు అయిన పొగిడిన కాని ఎప్పుడు అహంకారమును మాత్రము పెంచుకోకు . ఎందుకు అంటే పరమాత్మ కూడా దేనిని అయినా క్షమిస్తాడు కాని అహంకారముగా వున్న వాళ్ళను మాత్రమూ క్షమిoచడు .ఈ విషయాన్నీ అందరమూ గ్రహిస్తే చాలా బాగుటుంది . ఈ భావనతో కూడా మనము అత్మిక భావనతో సూక్ష్మవైద్యం ను మరియు స్థూల వైద్యమును చేసుకోవచ్చు . పంచవికారములు ప్రభావం కూడా మన ఆత్మిక స్థితి ఫై మరియు శరీర అవయవాల ఫై న పడతాయి . అందుకే ఎప్పుడు మాయ ఫై విజయం సాధించటానికి ప్రయత్నము చేయాలి . మాయ అంటే పంచ వికారాలు ఫైన అని. దాని అర్ధము వేరే వారి ఫై యుద్ధం చేయటము కాదు . మనలో వున్న వికారాలను మనకు మనము అధీనములోకి తెచ్చుకోవటం అని . వికారాలను జయించటానికి మనము "మాయ జీత్ స్వరూపము " లోకి వెళ్లి పరమాత్మ నుంచి శక్తిని తీసుకోవాలి దాని వలన మనలో మాయను జయించ గలిగే శక్తిని పొందుతాము . దానికి సాధన చాల అవసరము . మీకు కోపము బాగా వస్తున్నప్పుడు మీరు ప్రయత్నము చేసి చూడండి " నేను మాయ జీత్ స్వరూపాన్ని " అని . ఆ సమయములో మీరు ఎన్ని సార్లు అనుకోగలిగితే అన్ని సార్లు అనుకొండి. మీరో వచ్చే మార్పును చూసుకొండి. అంతే కాదు మీకు బాగా కోపము వచ్చినప్పుడు కోపాన్ని నియంత్రణలో కి తీసుకురాకపోతే దాని ప్రభావము మన శరీరములోని కిడ్నీ ఫై ,లివర్ ఫై , హార్ట్ ఫై మరియు తలలోని నరముల ఫై న ప్రభావము పడుతుంది .    మనకు కోపము ఎందుకు వస్తుంది ? అన్న ప్రశ్న వేసుకున్నారా ? మనకు కోపం ఎందుకు వస్తుంది అంటే మన ఆత్మ సంతృప్తి చెందకపోవటం వలన .చాలా మంది తెలియక శరీరము అలసిపోవటం వలన కోపం వస్తుంది అని అనుకుంటారు . కానీ అది కాదు . మనకు కోపము వచ్చింది అంటే దాని అర్ధము మన ఆత్మలో ఎదో అలజడి ఉండటం వలన సర్దుకునే సంస్కారం లేకపోవటం వలన మనకు కోపం వస్తుంది . ప్రతి మనిషికి వేరే వేరే సంస్కారములు ఉంటాయి .  ఒకరి సంస్కారములు ఒకరితో కలవక పోవడము వలన ఆత్మలో అలజడి కలిగి మనలో కోపము వస్తుంది . మన శరీరములోనే ఐదు వేళ్ళు ఒకేలా ఉండవు , అలాంటప్పుడు మనకు ఎందుకు ఒకరి సంస్కారములు ఒకరితో ఎందుకు కలుస్తాయి అన్న ప్రశ్న వేసుకోవాలి ? ఒకరి సంస్కారములు ఒకరితో కలవవు కానీ , ఒకరిని ఒకరు అర్ధం చేసుకోవడానికి ప్రయత్నము చేయాలి . ఇక్కడ ఇముడ్చుకునే శక్తిని , సర్దుకునే శక్తిని మన ఆత్మలో నింపుకోవడానికి ధారణ చేయాలి . ఇక్కడ నేను ఒక విషయాన్నీ చెప్పాలని అనుకుంటున్నాను మనకు అందరికి తెలిసిన విషయమే , పూర్వ కాలములో మన పూర్వికులు చాలా ఆరోగ్యముగా ఉండేవారు ఎందుకు అని ఎప్పుడైనా ఆలోచించారా ? అప్పుడు తినే పదార్ధాలలో చాలా బలము ఉండేది . ఎందుకు అంటే వారి ఆలోచనలు మరియు చేతలు చాలా శ్రేష్ఠముగా ఉండేవి . శ్రేష్ఠ సంకల్పములతో ఒకరిని ఒకరు అర్ధం చేసుకుని అంటే ఇముడ్చుకునే మరియు సర్దుకునే శక్తిని ఆత్మలో ఎక్కువగా నింపుకుని ఉండేవారు అందువలన వారు ఆత్మికముగా ఆరోగ్యముగా ఉండేవారు . దాని ప్రభావం వాళ్ళ శరీరము ఫై పడి చాలా ఆనందముగా, ఆరోగ్యముగా  ఉండే వారు . మరొక విషయము ఇప్పుడు వున్నంత  జనాభా పూర్వకాలములో వున్నారా ? మన అందరికి తెలిసిందే మరియు చిన్నప్పటి నుండి చదువుకుంటూనే వస్తున్నాము . నాలుగు యుగాలు వున్నాయి అని . యుగము అంటాము అయితే మళ్ళి కొత్త యుగముతో తయారుఅవుతుంది . అంటే సత్య . త్రేతా , ద్వాపర , కలి యుగాలు .ఇప్పుడు మనము అందరము కలి యుగములో వున్నాము . అందువలన జనాభా ఎక్కువగా వున్నారు . మనము ఇక్కడ కొన్ని సృష్టి యొక్క రహస్యముల గురించి వచ్చే సంచికలలో చూద్దం !

 

మీకు నేను ఆలోచింప చేసే దానిలో ఏమి అయిన ప్రశ్నలు అడగాలి అనుకుంటే ts 9 ఛానల్ వాళ్ళకి ఉత్తరాలు పంపండి . దానిలో ముఖ్యమైన వాటికీ , అందరికి ఉపయోగ పడే విధంగా కొంత మందికి సహయోగం నా సమాధానంతో ఇవ్వగలను .  నేను ఒక ఆక్యూపుంచరిస్ట్ గానే కాదు ,ఒక తత్వవేత్తగా  నా చిన్నతనము నుంచి నా గురించి నేను చేసిన ఆత్మపరిశోధనలో నాకు తెలిసిన మరియు గ్రహించిన విషయాలను మీకు అందిస్తున్నాను . ఒక సంఘ సేవకురాలిగా కూడా నా అనుభవాలను మీతో పంచుకుంటున్నాను . దీనిలో మీకు ఉపయోగ పడేవి ఉంటే వాటిని మాత్రమే గ్రహించండి . మిగిలినవి వదిలివేయండి . ఎవరికీ వారే వారి ఆత్మ శాంతి కోసము వైద్యం చేసుకోవాలి .ఎవరి జీవితం వారిది . ఎవరి నిర్ణయం వారిది .

మీ శ్రేయోభిలాషి ,

అస్త్ర అగ్ని జ్వాలా .........

ts 9 ఛానల్ హెల్త్ రిపోర్టర్ 7997519999