ఎపిసోడ్ : 6 " ఆత్మిక దృష్టితో సూక్ష్మ – స్థూల వైద్య రహస్యము "

ఎపిసోడ్ : 6

" ఆత్మిక దృష్టితో సూక్ష్మ –  స్థూల వైద్య రహస్యము "

ఎప్పుడు అయితే నేను అత్మిక స్థితిలో వుంటానో, అప్పుడు నేను దేహానికి అతీతముగా వుంటాను . అప్పుడు నా ఆత్మ శబ్దమునకు అతీతంగా ఏకరస స్థితిలో కేవలము పరమాత్మ నుంచి అనాది గుణాలను ఆత్మలో నింపుకోవటం వలన ఆ ప్రభావం శరీరము ఫై పడి శరీరము లోని ప్రతి అణువు పరమాత్మ యొక్క శక్తితో నిండిపోయి నా శరీరములోని అన్ని అవయవాలు జాగృతం అవుతాయి . దానితో నేను ఆరోగ్యముగా వుండు కళను తిరిగి పొందుతూ , సంపూర్ణ ఆరోగ్యమును పొందుతాను . నేను ఎప్పుడు అయితే అత్మిక స్థితిలో వుంటానో , నా మనస్సు చాలా ఆనందముగా వుంటుంది . నా మనస్సు ఎప్పుడు అయితే ఆనందముగా వుంటుందో ఆ ప్రభావము నా మెదడు ఫై , హృదయము ఫై , కిడ్నీ ఫై , ప్రేగుల ఫై , లివర్ ఫై , నరాల ఫై పడుతుంది . నా శరీరము లోని అన్ని అవయవాలు ఉతేజముగా చురుకుగా పని చేయటము మొదలు పెడతాయి . దాని వలన నా శరరము లో వున్న వ్యాధులు అయిన డైయాబెటిస్ , బి . పి . , థైరాయిడ్, తల నరాలు లాగటము , ఒత్తిడి , కడుపులో మంట , నిద్ర పట్టక పోవడము అనే మొదలైన  అనేకమైన  సమస్యలు మనకు తెలియకుండానే నియంత్రణలోకి వస్తాయి .  నేను ఇక్కడ వాడుతున్న మందులు వదిలి వేయమని చెప్పటం లేదు . కాని , మందులు ఎక్కువగా తీసుకోవలసిన అవసరము పడుతుంది  అనే వాళ్ళకు కూడా మందులు క్రమేణా తగ్గిపోయి వ్యాధులు నియంత్రణ లోకి వస్తాయి . ఎప్పుడు మనిషి ఆరోగ్యంగా వుంటాడో , అప్పుడు వారు తనకు తెలియకుండానే వారు సంఘంలో వున్న సంభందములను చాల ఉన్నతంగా ఏర్పాటు చేసుకోగలరు . మీకు తెలుసో లేదో సత్య యుగములో జన్మ తీసుకున్న వారు అందరు కూడా చాల సంతోషముతో , ఆనందముతో వుండే వారు దాని వలన వాళ్ళు చాల ఆరోగ్యంగా వుండే వారు . వారికి ఎటువంటి అనారోగ్యములు లేవు . ఎందుకు అంటే వారు సదా ఆత్మిక స్థితిలో వుండి పవిత్రతా శక్తితో  వుండే వారు . ఆ పవిత్రతా శక్తియే వాళ్ళ శరీర అవయవాలను పవిత్రముగా వుంచి వాళ్ళు సదా ఆరోగ్యముగా ఉండటానికి సహకరించేది . ఇక్కడ మనము మరొక విషయాన్నీ గమనించాలి సత్య యుగములో జన్మ తీసుకున్న ప్రతి ఒక్కరు దేవి దేవతల సంస్కారములతో కలిగి ఉంటారు . దాని వలన వారు శ్రేష్ఠమైన సంస్కారములతో జీవిస్తారు . వాళ్ళ ఆత్మిక స్థితి సంపూర్ణమైన దైవీ గుణాలతో నిండిఉండటం వలన వాళ్ళు అపార సుఖాన్ని అనుభవించే జీవితాన్ని గడుపుతారు .  ఇప్పుడు మనము అందరము కలియుగంలో జీవిస్తున్నాము అని అందరికి తెలుసు . కలియుగము అంతిమలో ఉంది అన్న సత్యము కూడా అందరికి తెలుసు . ఇక్కడ మనము అర్ధం చేసుకోవలసింది కలియుగం లోకి వచ్చేటప్పటికి మన ఆత్మిక స్థితి లో కూడా శక్తి తగ్గిపోయింది . దాని వలన మనకు అందరము వికారాల వసము అయ్యాము . దాని ప్రభావము మన శరీరములోని అవయవాల ఫై న పడుతుంది . ప్రకృతిలో శక్తి తగ్గిపోవటం వలన పంచతత్వాలతో తయారుఅయిన మన శరీరములోని అవయవాలు కూడా శక్తిని కోల్పోతున్నాయి . ఈ సత్యాన్ని మనము అందరము  ఇక్కడ అర్ధం చేసుకోవాలి .

          ఇప్పుడు చూద్దాం గాలిలో మేడలు కడతాడు , కలలలో జీవిస్తాడు అదే నిజం అని నమ్ముతాడు. అనేది ఏ విధంగా సామాజిక జీవనములో మన మనస్సు ఫై ఎలాంటి ప్రభావము పడుతుంది . అది వారి అత్మిక స్థితిని ఎలా తయారు చేస్తుంది మరియు మన శరీర అవయవాలు ఎలా పని చేసేలా చేస్తుందో తెలుసుకుందాము . మనము ఇక్కడ కొన్ని ఉదాహరణలను తీసుకుందాము . మన నిత్య జీవితంలో చూస్తూనే వుంటాము మన వయస్సు పెరిగే కొద్ది మనలోనూ కోరికలు పెరుగుతాయి . దానితో కొంత మంది తన కోరికలను కష్ట పడి తీర్చుకుంటారు . “ కష్టే ఫలే సుఖి “ అని పెద్దవాళ్ళు అన్నారు . అది నిజమే . మనము చాల సార్లు అనుకుంటాము నేను కష్ట పడుతున్నాను కాని నాకు ఫలితము రావటం లేదు అని . ఇక్కడ మనము “ కర్మ సిద్దంతమును “ గుర్తు పెట్టుకోవాలి . మనము చేసిన దానికి తప్పక ఫలితము వస్తుంది . అది మీకు లౌకికములో అంటే స్థూలముగా లభించక పోవచ్చు . కాని అది మీ ఆత్మలో వైరాగ్యమును పెంచుతుంది . దాని వలన సుక్ష్మముగా మనము పరమాత్మకు దగ్గరగా అవ్వాలి అన్న తపన మనకు ఏర్పాటు అవుతుంది . ఆ వైరాగ్యము వలన మనకు తెలియకుండానే నిశబ్ధంలోకి వెళ్ళటము ధారణ చేస్తాము . దాని వలన ముందుగా ప్రభావం మన మనస్సు ఫై పడుతుంది . మనస్సు ఫై పడిన ప్రభావము వలన బుద్ధిలో నాకు ఎవరు వద్దు అన్న ఆలోచనను ప్రేరేపిస్తుంది . నా సంస్కారము ఒంటరిగా వుండటాన్ని సూచిస్తుంది . కొత్తలో ఒంటరిగా వుoడటం అనేది చాల కష్టoగా వుంటుంది . ఏడుపు కుడా వస్తుంది . ఎప్పుడు అయితే మనము ఏడుస్థామో అప్పుడు మన శరీర అవయవాలలో కూడా మార్పులు జరుగుతాయి . మనకు తెలియకుండానే మనము అనారోగ్యమునకు గురి అవుతాము .ముఖ్యముగా ప్రభావానికి గురి అయ్యే అవయవాలు గుండె , తలలోని నరాలు , లివర్ , కిడ్నీ . ఈ అవయవాలకు సంభదించిన వ్యాధులకు గురి అవుతాము .ఆ సమయములో ఎక్కువగా దిగులుగా వుంటాము . కొన్ని రోజుల తరువాత మన ఆత్మలో శక్తిని పెంచుకోవటం వలన ఆ ప్రభావము మన శరీర అవయవాల ఫై న పడటము జరుగుతుంది దానితో మనము నిరోగిగా కుడా మారిపోతాము.  చాల మందికి ఈ రోజుల్లో కష్ట పడకుండానే కోరికలు తీరిపోతాయి అని అనుకుంటు గాలిలో మేడలు కట్టడము మొదలు పెడతారు .దీని వలన వారి ఆత్మలో సోమరితనన్ని నింపుకుంటున్నాడు . ఎదుటి వారిని మోసం చేయటం నేర్చుకుంటున్నారు . మనము ఏది అయితే చేయగలమో దాని గురించి మాత్రమే ఎదుటివారికి చెప్పాలి . కాని మనము ఎందుకు ఎదుటివారికి ఆశలను రేపుతాము. దాని వలన ఎదుటి వారిని ఎంతగా నిరుత్సాహనికి గురి చేస్తూ వారి మానసిక స్థితిని ఎంత నశింప చేస్తున్నాము అని ఎందుకు ఆలోచించము . మనము చాల మoదిని చూస్తున్నాము . వాళ్ళకి తెలుసు వాళ్ళు ఏమి చేయలేరు అని కాని చేసేస్తాం నీ పని అయిపోయింది అని చెపేస్తారు . దాని వలన వాళ్ళకు వచ్చే లాభము ఏమిటి . ఏమి లేదు పాప ఖాతాను పెంచుకుంటాం. కానీ భాద లోకి వెళ్ళిన వ్యక్తి ఏమి అవుతాడు అన్నది ఎవరు ఆలోచించరు . వారి గురంచి వివరముగా ముందు ముందు తెలుసుకుందాము.

మిగిలిన విషయాలు మనము వచ్చే సంచికలో చూద్దాం ! ఒక ధారణ పాయింట్ ని మీకు అందజేస్తున్నాను .నచ్చిన వారు ప్రయత్నం చేయవచ్చు లేక పోతే వదిలి వేయండి ?

బిందు స్వరూపముగా మారటానికి ఏ విధముగా మనము ప్రయత్నం చేయాలి ? నేను ఆత్మను అని నా స్వ రూపాన్ని నేను ఎలా పొందగలను ?

మనము దేని గురించి బాధ పడుతున్నమో , ఏ ఆలోచన మనలో బాగా తిరుగుతుందో వాటిని గురించి పేపర్ తీసుకుని బిందు పెట్టడం నేర్చుకొండి. రాత్రికి ఎన్ని బిందువులు పెట్టారో లేక్కిమ్చండి. ఏ విషయన్ని గురించి ఆలోచించకండి . ఏ విషయాన్ని  ఎక్కువగా ఆలోచిస్తారో , అది అంతా ఎక్కువగా పెరుగుతూ వుంటుంది . అన్ని ఆలోచనలు వదిలేసి ఒక్క తండ్రి స్మృతి చేయండి . అదే ఆశీర్వదoగా అయిపోయింది .. స్మృతిలో చాల లాభాలు వున్నాయి . ఎంత  స్మృతి చేస్తే అంతా శక్తి నిండుతుంది . సహయోగము కూడా ప్రాప్తిస్తుంది , సేవ కూడా జరుగుతుంది .

మీకు నేను ఆలోచింప చేసే దానిలో ఏమి అయిన ప్రశ్నలు అడగాలి అనుకుంటే ts 9 ఛానల్ వాళ్ళకి ఉత్తరాలు పంపండి . దానిలో ముఖ్యమైన వాటికీ , అందరికి ఉపయోగ పడే విధంగా కొంత మందికి సహయోగం నా సమాధానంతో ఇవ్వగలను .  నేను ఒక ఆక్యూపుంచరిస్ట్ గానే కాదు ,ఒక తత్వవేత్తగా  నా చిన్నతనము నుంచి నా గురించి నేను చేసిన ఆత్మపరిశోధనలో నాకు తెలిసిన మరియు గ్రహించిన విషయాలను మీకు అందిస్తున్నాను . ఒక సంఘ సేవకురాలిగా కూడా నా అనుభవాలను మీతో పంచుకుంటున్నాను . దీనిలో మీకు ఉపయోగ పడేవి ఉంటే వాటిని మాత్రమే గ్రహించండి . మిగిలినవి వదిలివేయండి . ఎవరికీ వారే వారి ఆత్మ శాంతి కోసము వైద్యం చేసుకోవాలి .ఎవరి జీవితం వారిది . ఎవరి నిర్ణయం వారిది . మీ శ్రేయోభిలాషి .....  అస్త్ర అగ్ని జ్వాలా ... ts 9 ఛానల్ హెల్త్ రిపోర్టర్